ދޭތެރެދުރުކުރުމަށް ބޭނުން ކުރާ އެކިއެކި ވަޞީލަތްތައް ބޭނުން ކުރުމުގެ ޙުކުމަކީކޮބާތޯއެވެ؟

بسم الله الرحمن الرحيم ، الحمد لله رب العالمين، و الصلاة و السلام على رسول الله -صلوات الله وسلامه عليه- وعلى آله وصحبه أجمعين.
أما بعد:

ދޭތެރެ ދުރުކުރުމުގެ މައްސަލައިގައި ކޮށްފައިވާ ސުވާލުގައި ބުނަމެވެ.  

ޢިލްމުވެރިން މި މައްސަލައިގައި ދެ ނުކުތާއެއް ޛިކުރު ކުރައްވަ އެވެ.  

އެކުއެކީގައި ދަރިން ނުލިބޭ ގޮތަށް، ވަކި ވަރަކަށް ނަސްލު ކަނޑައަޅައި އެގޮތުގައި ނިންމުމެވެ. މިއީ ހުއްދަވެގެންވާ ގޮތެއް ނޫނެވެ.  

މިކަމުގެ ތަފްޞީލީ ޖަވާބު އަދި ޢިލްމުވެރިންގެ ބަސްފުޅުތައް ތަފްޞީލުކޮށް ބަޔާން ކޮށްފައިވާނެ އެވެ. 

ދެވަނައީ :  ވަކި ނިޟާމެއްގެ ތެރެއިން ދަރިން ހޯދުމަށް ނިޟާމެއް ކަނަޑައެޅުމެވެ. ނުވަތަ ވަކި މުއްދަތެއް ސަބަބުތަކަށް ޓަކައި ދަރިން ހޯދުމުގައި ދުރުކޮށްލުމެވެ.  އެ ގޮތުން އަނބިމީހާއަށް އެކަމުގައި ދަރިން ވިހެއުމުގައި ތަޙައްމަލު ކުރާ ދަތިކަމެއް ނުވަތަ ބަލިކަމެއްގެ ސަބަބުން ވަކި ބީދައެއްގެ ދަށުން ދަރިން ހޯދުމަށްޓަކައި ދެ ދަރިން ދެމެދުގައި މުހުލަތެއް ކަނޑައެޅުމެވެ.  

އެހެނަސް މިތަނުގައި ދަންނަންޖެހެ އެވެ. ފިޤުހީ ޤަވާޢިދުގައިވެ އެވެ. ގެއްލުން ދިނުމެއް އަދި ގެއްލުން ލިބިގަތުމެއްވެސް ނުވެ އެވެ. މިއީ ޝަރުޢުގައި ކަނޑައެޅިފައިވާ އުޞޫލެކެވެ.  

ﷲ ވަޙީ ކުރެއްވި އެވެ. (وَلاَ تُلْقُواْ بِأَيْدِيكُمْ إِلَى التَّهْلُكَة) “ އަދި ތިޔަބައިމީހުންގެ އަތްތަކުން ތިޔަބައިމީހުންގެ ނަފްސުތައް ހަލާކުގެ ތެރެޔަށް އެއްލާނުލާށެވެ!“ އެބަހީ : ނަފްސަށް ނުވަތަ ހަށިގަނޑަށް އެކަމަކުން ގެއްލުން ލިބޭނެ، ގެއްލުން ޙާޞިލްވާ ކަންތައްތަކުން އެއެްކިބާވާން ޖެހޭނެ އެވެ. 

ފަހެ، ނަބިއްޔާ صلى الله عليه وسلم ޙަދީޘް ކުރެއްވި އެވެ. (لاضرر ولا ضرار) ”ތިޔަބައިމީހުންގެ ތެރެއިން މީހަކު އޭނާގެ އަމިއްލަ ނަފްސަށް ގެއްލުން ދިނުމެއް އަދި އަނެކާގެ ނަފްސަށް ގެއްލުން ދިނުމެއްވެސް ނުވެ އެވެ.“  

މިއީ މި މަތިވެރިވެގެންވާ ޝަރީޢަތުގައި ކަނޑައެޅިފައިވާ ޤަވާޢިދުތަކުގެ ތެރެއިން ޤަވާއިދެކެވެ.  

ވުމުން އެކަމަށްޓަކައި ހޯދާ ވަޞީލަތަކީ ތިމާއަށް އެއިން ގެއްލުމާއި އަނިޔާ ލިބޭނެ ވަޞީލަތެއް ކަމުގައި ވެގެން ނުވާނެ އެވެ. އޭނާގެ ޙައްޤުގައި އެފަދަ ވަޞީލަތެއް އެއިން ގެއްލުން ލިބޭތީ ބޭނުން ކުރުމުން ދުރުހެލިވާން ޖެހޭނެ އެވެ.  

ބަޔާންކޮށްފައިވާ ވަޞީލަތަކީ ހަށިގަނޑަށް ގެއްލުން ހުރި ވަޞީލަތެއްކަން އިނގެ އެވެ. ވުމުން ތި ނޫން ވަޞީލަތެއް ހޯދުން ހުއްޓެވެ.  

އަދި ޢަޒުލް ކުރުން (ފިރިހެން މީހާގެ ދަރިފަނި ފަރުޖުން ބޭރަށް) އެޅުން މިކަމުގައި އިޚްތިޔާރު ކުރުން އެއީ އެކަމުން ގެއްލުން ނުލިބޭނެ އަދި ހެޔޮ ވަޞީލަތެއް ކަމުގައިވެ އެވެ.  

والله تعالى أعلم. وصلى الله على نبينا محمد وآله وصحبه وسلم.